महिला सबलीकरण / सशक्तीकरण

मेघना दीदी म्हणतात, जर तुम्ही एखाद्या पुरुषाला शिक्षित केले तर तुम्ही एखाद्या व्यक्तीला शिक्षित करता, पण जर तुम्ही एखाद्या स्त्रीला शिक्षित केले तर तुम्ही देशाला शिक्षित करता. आपण समाजाच्या मानसिकतेला लक्ष्य केले पाहिजे आणि समाजात अमुलाग्र बदल होण्याचा एकमेव मार्ग म्हणजे निरंतर शिकणे . पिढ्यान-पिढ्या मुलांसाठी एक आदर्श असणे म्हणजे पुरुष आणि स्त्री यांच्यात कसलाही फरक न करणे आणि ही समानता सर्वांनी घरातूनच सुरू केली पाहिजे. समाजातील प्रत्येक व्यक्तीला पुरुष आणि स्त्रियांना समान वागवण्याचे महत्त्व खरोखरच समजायला हवे.

स्त्रियांच्या शिक्षणावर लक्ष केंद्रित केले पाहिजे कारण एका महिलेचे ज्ञान आणि सशक्तीकरण कुटुंबात आणि संपूर्ण समाजातही बदल घडवून आणू शकतो. संपूर्ण महिलांचे शिक्षण ही अर्थव्यवस्था आणि विकासाची मूलभूत संकल्पना आहे.

ज्या स्त्रियांनी पदवी प्राप्त केली त्यांच्यासाठी रोजगार निर्मिती करण्याचे प्रयत्न आम्ही करत आहोत आणि त्याला प्रचंड असा प्रतिसाद मिळत आहे . आम्ही महाविद्यालयांमध्ये बरेच ऑफ कॅम्पस ड्राईव्ह घेतल्या आहेत. आम्ही आयटी (IT ) कंपन्यांना परभणी विभागातील कॅम्पस ड्राईव्ह शेड्यूल करण्याची विनंती करत आहोत. आमची रणनीती आता कार्यरत आहे आणि त्या साठी शेकडो कार्यकर्ते उभे राहिले आहेत .

मेघना दीदी म्हणतात, एक सुशिक्षित व्यक्तीमध्ये योग्य आणि अयोग्य किंवा चांगले आणि वाईट यात फरक करण्याची क्षमता असते. एखादी व्यक्ती शिक्षणाने परिपूर्ण होते कारण ती केवळ त्यातूनच काही मिळवत नाही तर समाज आणि कुटूंबाच्या वाढीस हातभार लावते.